29/06/2008
文： 丹尼．文奴斯
高士路係今季巴甲聯賽主場王，除保持全勝更一球不失，但今場迎戰聖保羅會係重大考驗！聖保羅近期狀態極佳，連贏三場後已躋身前列，即使巴西國腳阿祖安奴重返國際米蘭，相信無損該隊實力，今仗作客應可終止高士路的主場連勝紀錄。（now633台周一凌晨3:00直播）
綽號「狐狸」高士路，上仗三比○擊敗費古倫斯後，取得今季第五場勝仗，並與法林明高、甘美奧同得十六分，僅因得失球較差成三強之末。射手古希美上仗再有一球進帳，狀態唔錯，高士路今季暫得十四個入球當中，有五球係佢傑作。由於高士路今季戰績彪炳，練艾迪臣巴迪斯達亦表示對高士路的演出、尤其係主場感到自豪！
近4年對賽未輸過
不過，高士路今場遇上聖保羅，未必可以將主場連勝紀錄延續，儘管高士路每次對聖保羅都表現出色，弊在對上一次贏波，已經是○四年五月事，嚴格而言聖保羅可以話係高士路剋星。
何況聖保羅經過季初失利後，最近已重上正軌，自第五輪聯賽開齋後，跟尾兩場都贏波錄得三連勝。論氣勢，今場兩隊可謂勢均力敵。今仗戰況肯定會非常激烈，但我認為身經百戰聖保羅，最終可搶分成功，坐和望贏。
今周醒神推介
甘美奧、利斯菲體育會
温馨小贴士：直接搜索“901”可以快速找到本站，查看更多更准更新的足球分析推介。
