29/06/2008
文： Mandy
識Mandy都知我係個廿四孝乖乖女，就算依家仲係學生，早排父親節都好闊綽咁請Daddy擦餐勁，仲親手整張心意卡畀佢，到Daddy鬼死咁開心。雖然餐飯食千幾蚊，貴就貴，但一世人兩父女，冇Daddy邊有Mandy？呢千幾蚊算得係乜，希望Daddy收到我份心意啦！
我兩父女感情不嬲都好好，皆因大家都有共同嗜好，就係睇波。Mandy識咁多波都係因為自細就受Daddy薰陶，誇張講Mandy童年時代絕對係睇波多過睇卡通。今晚係萬眾期待歐國盃決賽，Mandy身為西班牙粉絲又點會錯過，不過由於父親大人係德國擁躉，我兩父女今晚會各為其主。
梅斯達同沙治奧拉莫斯雖然分屬皇馬隊友，大家歐國盃期間更不時互Send短訊打氣鼓勵，但賽前梅斯達話，就算平時大家Friend過打Band都冇情講，今晚肯定唔會手下留情。不過Mandy認為德國條防線唔太穩陣，梅斯達都係做好本分先再講啦，西班牙冇韋拿都夠料砌低德國，小妹撐硬「上盤」！
温馨小贴士：直接搜索“901”可以快速找到本站，查看更多更准更新的足球分析推介。
