話咁快決賽心情失落！
法比仔托利斯擦火花
29/06/2008
文： Jamie Yeo
終於都到決賽喇！諗起都有依依不捨，心情就好似百貨公司有大減價，想掃貨卻已被搶購一空，真係有失落。
今晚決賽由我支持西班牙對住德國。早開幕之前，我已經支持西班牙，當然唔會到依家先改變立場啦，雖然呢場西班牙將缺少我好欣賞韋拿，不過代替佢係法比加斯，大家都知道我係阿仙奴粉絲，上季我睇晒咁多場阿仙奴賽事，對法比仔能力好有信心，我好相信佢同費蘭度托利斯呢個新攻擊組合，會決賽擦出火花。
對西班牙講，德國真係一個好可怕對手，佢就好似該國出產名牌汽車咁有效率、咁穩陣而西班牙一眾拉丁男孩，雖然充滿才華，但經驗始終幼嫩，今晚要贏德國，一定要踢出超水準至得！
列文係德國弱點
其實德國都唔係冇弱點，門將列文（哈，又係阿仙奴球員！）今屆好似信心唔多夠，可能上季阿仙奴實在做太耐後備啦，新球季佢會重返德國球壇，度首先要多謝佢多年來為「兵工廠」立下汗馬功勞，雖然我捧西班牙，但都唔想佢出醜，因為西班牙要贏，就要贏得堂堂正正，咁先光彩嘛！
好喇，歐國盃我最後一次同大家見面，真係要忍淚說聲goodbye，不過新球季好快又開鑼，到時呢度再見。如果大家掛住我，上espnstar.com可以睇番我英國拍攝花絮，新球季再見啦！
Jamie Yeo
新加坡辣妹才女，身兼模特兒、電台DJ及STAR Sports周四晚8點足球節目《Soccer Cities》主持人，偶像係亨利。
最受忽視型男卡迪維拿
西班牙右閘沙治奧拉莫斯幾型仔，但好似花弗，我就鍾意踢左閘卡迪維拿多，佢其實都幾Man，有一種成熟穩重味道，踢後就晒，唔會咁易犯錯嘛。
最有親切感大衛施華
西班牙好多人都只會留意韋拿、費蘭度托利斯或者法比加斯，其實中場大施華都踢得好好，據講佢有亞洲人血統，唔怪得咁有親切感啦。
最形象突出梅斯達
德國最搶鏡球員係邊個？梗係梅斯達啦！佢開鑼咁耐都未剃過鬚，鬚一場長過一場，成個深山野人咁，有似湯漢斯套《Castaway》造型。
