29/06/2008
文： 江忠德
歐國盃終極一戰由西班牙對德國，睇番西班牙由小組賽開始踢到準決賽，晉級過程極具說服力，加上主帥阿拉干利斯老謀深算，面對近兩場淘汰賽失四球德國，西班牙可望一搔四十四年之癢捧走歐國盃。
德國計埋分組賽五場波，只係對波蘭叫做贏得清脆利落，輸畀克羅地亞就被技術性擊倒，其餘三場都要食盡驚風散，如果德國唔係話保留番兩年前世界盃骨幹加強穩定性，仲有普多斯基、高路斯、波歷克等搏晒命入波，真係幾難彌補後防錯漏。睇番佢連對弱勢土耳其都要失兩粒，中場攔截力明顯不足，而且進攻太集中左路，遇到攻擊力咁勁西班牙會暴露出缺口。
狀態弗到爆西班牙，先後淘汰意大利同俄羅斯，戰術運用剛柔並重，阿拉干利斯每一個細節都做得好透徹，佢深明防守係現代足球取勝基礎，根本唔畀對手有太多機會起腳射門，意大利同俄羅斯對住西班牙兩場加埋雖有二十一腳射門，但射中竟然只得四次，基本上西班牙已立於不敗之地，再利用簡單直接而有效致命傳送打反擊，直插對手心臟，兼且後備席上仲有沙比阿朗素同古爾沙等壓陣，戰術調動靈活得多，睇怕今晚都係西班牙發威時候！
温馨小贴士：直接搜索“901”可以快速找到本站，查看更多更准更新的足球分析推介。
