01/07/2008
文： 麥馬拿仁
瑞典盃熱身過後，休息超過一個月瑞典超級聯賽正式回歸，「主場王」哥登堡打頭陣，主場鬥特利堡係穩勝格局。哥登堡本季表現穩定，主場出擊更所向披靡，聯賽連盃賽六戰六勝，得勝率百分百，一共攻入十七球，火力好犀利。相反特利堡本季作客勁旅必輸，呢次強弱分明，嫌主W分頭太奀，可直取「讓球主勝」。（周三凌晨1時開賽）
因歐國盃舉行關係，瑞典超休息個幾月，球隊趁呢個時候休養生息，可以調整、檢討戰術同用人，相信未來一兩周聯賽，一眾勁旅可以表現得更好，而戰果都會趨向正路，所以大家咪同熱門拗頸。
特利堡久疏戰陣作客曳
哥登堡主場威力勁，本季福地未失威過，五場聯賽連一場瑞典盃全部贏波，其中兩勝勁敵卡爾馬，又曾斬殺ＡＩＫ蘇納，睇到哥登堡真係弗到漏。三日前佢於瑞典盃鬥隆斯基爾，中立場小勝對手一比○，雖然贏唔得多，但有場正式比賽打底，呢次返主場更易谷起狀態。
特利堡係瑞典超弱旅，作客曳到極，本季聯賽連盃賽都未贏過，當中有接近七成入唔到波，幾乎次次都處於捱打狀態。呢班波一見到勁旅就冇晒符，之前輸畀卡爾馬同AIK蘇納都冇入波，再加上冇正式比賽成個幾月，就令佢今場形勢更危。再睇埋雙方對賽，哥登堡主場恰死特利堡，六次出戰五次贏波，當中仲有四次贏兩粒或以上，呢次追「讓球主勝」數。
温馨小贴士：直接搜索“901”可以快速找到本站，查看更多更准更新的足球分析推介。
