費德列斯達上盤好路
30/06/2008
文： 亨格比利
咪以為華拉倫加上場聯賽大炒咸卡就好醒，其實後者今季贏過一場波咁大把，絕對係名副其實魚腩。今晚華拉倫加造訪前列分子費德列斯達，無論往績同人腳都處下風，根本無能力做攔路虎，主隊讓平半上盤絕對係信心之選！（開賽時間：周二凌晨1:00）
費德列斯達季初一度保持六場不敗，可惜上月突然連輸兩場，慘被榜首史達比克拋離，不過回氣後立即作客砌低特林素，今晚返到主場出擊，誓以全取三分為目標追趕史達比克。科索沃出世，依家歸化挪威籍中場加殊近期入球頻頻，加上由查爾頓借科特迪瓦翼鋒比高科芬拿亦及時傷愈復出，費德列斯達簡直係如虎添翼。
華拉聯賽作客兩連敗
對手華拉倫加計實力，本來唔係同費德列斯達差好遠，但弊在作客戰績麻麻，近兩場聯賽作客全敗兼零入球。季初光芒四射年輕射手丹尼爾賀姆，已經有成兩個月無波入，況且對上兩次造訪費德列斯達都輸晒，今仗邊有本錢同主隊過招先？
