02/07/2008
文： 蘇豪
日聯盃八強戰首回合今日展開，冕冠軍大阪飛腳於中立場石川縣西部綠地公園陸上競技場鬥橫濱水手。今次飛腳佔半個主場之利，加上射手巴爾同中場遠藤保仁態勇，後者已入選日本奧運隊，有望出戰京奧，面對客場蟲水手，小讓平半要上盤！（周三下午６時開賽）
石川縣西部綠地公園陸上競技場位處金市，同飛腳大本營尚算接近，球隊每年間中會去呢個球場比賽，今次可以話有半個主場優勢。
水手作客例牌腳軟
水手客場演出例牌走樣，今季聯賽連盃賽十戰只贏兩場，對手只係札幌岡薩多同新潟天鵝呢類弱旅，水準真係麻麻，今場當係飛腳主場又好，中立場都好，水手都係信唔過。
講番飛腳先，日職重開，球隊連踢兩場贏晒，上次對住弱旅札幌岡薩多，射手巴爾個人梅開二度，呢個巴西大舊佬狀態好壞，絕對影響大軍成績，依家腳風咁順，肯定係飛腳之福。另外，中場遠藤保仁今季長期保持水準，早前獲日本奧運隊徵召，成為隊中唯一超齡國腳，好有機會京奧大顯身手。
因為踢亞冠盃分組賽輪空，上屆日聯盃盟主飛腳首度出擊。射手播戶龍二受肝病困擾，預計休戰一段時間，不過大軍兵源夠多，對住上場射極唔入水手，讓平半非常合理，上盤捧得過！
温馨小贴士：直接搜索“901”可以快速找到本站，查看更多更准更新的足球分析推介。
